Foto Kino Linders: nao Hoffotograaf noow offisjeel Hofleveranceer

De Venlose fotozaak Foto Kino Linders besteit 100 jaor. Op 11 mei 1911 startte Frans Linders as fotograaf mit zien zaak. Later zoel dees zaak Foto Kino Linders gaon heite. De onderneming greujde gestaag en vanaaf begin jaore ’20 van de veurige iëuw, waas dees gevestig aan de Klaosstraat 32. Twiëde generasie Jacques Linders noom in 1956 same mit zien vrouw Ton de zaak euver en same zörgde zeej d’r veur det de naam Foto Kino Linders ein begrip woort in Venlo en umstreke. Vanaaf de jaore ’80 noom Renier Linders de zaak euver.

Zoëwaal Jacques as Renier zien jaore verbonde mit Jocus as hoffotograaf. Ter iëre van eur 100 jäörig bestaon zien zeej beej Keuninklikke beschikking auk beneump tot Hofleverancier.

Vastelaovesgezelschap Jocus feliciteert Renier Linders, femilie en meiwerkers mit dit biezondere jubileum en eur Keuninklijke beneuming.